Lumaltik buruz

Nor gara?

Txiapaseko (Mexiko) komunitate indigenei elkartasuna adierazten dien Garapenerako Gobernuz Kanpoko Erakunde (GGKE) bat gara. 2001. urtean Gertu izenpean sortu ginen, kultur trukea, herrien arteko elkartasuna eta lan bolondresa sustatzeko asmoarekin. 2014. urtean Gertu-k Lumaltik proiektuari ireki zion bidea; Txiapaseko komunitate indigenei elkartasuna adierazteko euskarri berria.

Komunitate indigenen balioak eta eguneroko lana inspirazio iturri direla uste dugu eta “bestelako mundu posible”bat eraikitzeko garaian, erreferente garrantzitsu bat direla deritzogu. Horregatik, Bateratzen, Txiapasen ikasitako balioetan oinarritutako Gizartea Eraldatzeko Hezkuntza Estrategia programa daramagu aurrera: elkarlana, elkarrenganako babesa eta desberdintasunekiko errespetua zabaltzeko egitasmoa.

Kontuak argi

 

Gure lana Txiapasen

Lumaltik-en lankidetasuna gobernu indigenen molde desberdinen aitorpenean oinarritzen da. Ez dugu guk erabakitzen zein den sustengatu beharreko premia, hots, herrietako batzarretan ebazten dute garaian garaiko beharrizanaren mamia, denbora eta eskuhartze mota.

Oraino hezkuntza, osasuna, komunikazioa eta antolakuntzaren garapenean aritu gara elkarlanean. 5 eskola eraiki eta norbere kultura eta hizkuntza zabaltzeko irratsaio komunitarioetan diharduten esatarien formazioa finantzatu dugu. Honez gain, 2016. urtean zehar mediku batez eta bi erizainez osatutako taldetxo bat mantendu dugu, gaixoez arduratu eta osasun-sustatzaileei formazioa emateko helburuarekin.

Gure lana zabaltzeko asmoa dugu eta komunitate indigenetan oinarrizko azpiegiturak eraikitzeko diru-ekarpena egin nahi genuke. Aurrerantzean elektrifikazio proiektu bat jarriko dugu matxan, eta dena ondo badoa, komunitateetan ur edangarria eskuratzeko sistema desberdinen instalazioa sustengatu ahal izango dugu.

Gure kooperazioaren helburutako bat emakume eta gizonen arteko genero arrakala txikitzea da, horregatik, proiektuen diseinuan eta erabakimenetan emakumeen partehartzea sustatzen dugu.

Informazio gehiago nahi izanez gero hurrengo helbidera idatzi info@www.lumaltik.org
Construcción

Bateratzen

Bateratzen Lumaltik-en Gizartea Eraldatzeko Hezkuntza Estrategia programa da.

Programa honen baitan gizarte orokorrarentzat sentsibilizazio jarduerak lantzeaz gain, MENA edo bakarrik dauden adingabe etorkinentzat hezkuntza formaleko programa bat sortu dugu Otxarkoagako Formakuntza Zentruan (Bilbon). Zentro honetako irakasleekin batera Giza Eskubide, genero, identitate kultural eta inmigrazioa bezalako gaien inguruan hezkuntza jarduerak burutzen ditugu.

Informazio gehiago bateratzen.org webgunean.

Lanean jarraitzen lagundu iezaguzu

Zure baliabide eta nahien arabera ekapena eginez gure lanean lagundu gaitzakezu. Bazkideen ekarpena oso garrantzitsua da Txiapaseko komunitate indigenak sustengatzeko eta bertan ikasitakoa herriratzeko garaian.

Ondoko inprimakia bete dezakezu eta gu arduratuko gara gainerakoaz.




Zenbatekoa 10 €20 €40 €Bestelako ekarpena
Bestelako ekarpena hautatu baduzu, zenbatekoa egin nahi zenuke?